Nesta semana, moitas das actividades da Pementeira estiveron centradas na preparación do Día de Europa. Estamos preparando unha presentación e un pequeno "stand" expositivo para mostrar todo o que aprendemos sobre o Holanda. Pero para velo todo nas casas teredes que esperar ata o mércores que será o día no que faremos a nosa exposición e asistiremos ás presentacións que farán outras clases sobre outros países europeos.
Mentres tanto aquí vos deixo as fotos das últimas sesións de yoga que aínda non compartira convosco, un vídeo que vos mostra outro momentiño do traballo dos pementeiros/as cunha actividade impresa e as imaxes dunha das cousas que máis disfrutan os nenos e as nenas, un picnic, o primeiro desta primavera (esperemos que o tempo nos permita facer máis).
Despois de relaxarnos, facemos unha "batidora" que lles gusta moito a todos/as!!!
O venres fixemos un picnic con soliño pero con bastante vento. Aínda así, disfrutamos porque merendar fóra é algo que sempre agradecen os nenos e nenas de infantil. E como remataron pronto as tarefas e as merendas, tiveran uns minutiños máis de patio... e boa falta tíñamos todos de respirar aire fresco, e de notar as raiolas do sol!
No hay comentarios:
Publicar un comentario