CASE REMATAMOS A ÁRBORE

    Mañán xa é venres e temos moitas ganas de rematar a nosa nova árbore de Nadal. Hoxe traballamos moito como un auténtico equipo de pintores e mirade como vai quedando a nosa obra artística...

   ¡Qué pouquiño nos falta! a ver se o rematamos mañán. é que hoxe este equipo de pintores traballou moi coordinado e concentrado.

      Pasando a outro tema, esta semana recibimos algunhas cousiñas máis para o recuncho do mar: Aleixo trouxo un puzle e  un libro que parece moi interesante, e Icía trouxo un coral enorme que causou sensación na aula. Todos o quixeron tocar e percibiron perfectamente que era un pouco áspero.

 

   Marcos, que pasou os días libres que tivemos a semana pasada en Portugal, quixo traer un montón de fotos para mostrarnos todo o que veu e todo o que fixo (ata deslizarse en trineo). Por suposto que nas fotos aparecera Papá Noel, os renos, o cartel de Laponia... foi moi emocionante, como xa imaxinaredes.

    Sara Vidal tamén fixo unha viaxe, neste caso a Cabárceno e chegou moi contenta contando que veu osos desde a telesilla e leóns mariños que xogaban con pelotas e non lle caían e pasaban polo medio duns aros, e mostrounos un libro moi interesante que quedará no cole ata mañán para velo cun pouquiño máis de detalle.

   E para rematar, o pementeiro que tivo a sorte de levar hoxe a mochila pirata foi Óscar que ía encantado co seu distintivo na frente. Espero que disfruten moito todos na casa xogando e lendo!