DEMOCRACIA

      ¡A Democracia! ¡Nada máis e nada menos! Na Pementeira estamos descubrindo e experimentando que é iso da Democracia. Cada día temos que elixir un conto para ler porque a lectura é o mellor xeito de empezar e rematar o día. Pero escoller un conto a gusto de todos é imposible, e decidir sempre eu a quen se lle cumple o gusto tampouco sería moi xusto. Así que, normalmente, facemos unha votación a man alzada. De esta maneira intento que estes pequenos compendan que todos teñen dereito a expresar o que queren pero que a decisión final será da maioría do grupo. O problema é que lles costa moito entender que si xa votaron por un conto, non poden a continuación votar por outro (en canto eu digo un título -e mesmo antes de que o diga- xa están todos coa man levantada; e cando digo outro título de novo levantan a man co cal é difícil saber que conto gañou realmente).

        Pois ben, hoxe decidín facer unha votación máis rigurosa. A cuestión é que cada pementeiro emita o seu voto persoal unha única vez e que teñamos maneira de poder facer un reconto final, como nunhas eleccións de verdade. E para iso colocamos os contos propostos para ser lidos, nunha mesa e diante de cada un deles un tarriño de cristal. A continuación puxemos un vasiño con grans de millo. 

A continuación cada neno/a podía coller un gran de millo e metelo no tarriño que quixera... Cada un votou o seu conto favorito (con algunhas "presións" porque había por alí un pementeiro ffacendo campaña a viva voz que cada vez que alguén ía votar lle berraba "o do tiburón, o do tiburón" e aínda que lle expliquei que non se podía influir nos votantes, que cada un tiña dereito a votar o que quixera, non había maneira de que contivese ese entusiasmo e seguía ao seu).

E, finalmente fixemos o reconto...

   Como vedes, o gañador foi "o do tiburón". Certamente unha campaña publicitaria ben feita pode levar a un candidato á  victoria!

     O caso é que isto foi moi útil para reflexionar sobre iso da Democracia que, ademáis, viña moi ben ao caso porque Alejandro trouxo un libro precioso sobre Atenas e aproveitei para deixar caer que eses mesmos gregos que costruíron o Partenón, tamén foron os creadores da Democracia.

           Co libro de Alejandro descubrimos que o Partenón cando foi construído, foi pintado de maneira que as figuras das metopas e do frontón parecían moito máis reais e o resultado de todo o conxunto era moito máis chamativo.

        Por outra banda, hoxe pasou lista Sara Castaño (que saiu voluntaria, porque estes pementeiros/as teñen moitas ganas de facer cousas) e como estaba tab contenta e o fixo tan ben pois xa aproveitei para sacarlle unha foto.

    Tamén escoitamos unha canción moi fermosa de Toquinho titulada "Acuarela" (que moitos de vós coñeceredes segurísimo). E bailamos xuntos outra que se titula "Yo soy un artista", que nos pareceu moi divertida.

      E, finalmente como foi un día bastante completo, tivemos tempo para xogar un pouquiño repartidos por recunchos.