Aquí estamos xa. ¡Por fin chegou o día monstruoso e terrorífico no que celebramos xuntos o Samaín! Teño que decir que me encantou ver aos pementeiros/as tan ben disfrazados, tan alegres, tan dispostos a facer teatro, a poñer caras de susto, a cantar e bailar... ¡Grazas familias pola vosa implicación e colaboración!
Así que agora toca disfrutar un pouco coas fotos desta xornada...
Algúns/as ata se animaron a mostrar a súa cara nun primeiro plano aterrador. Neste grupo penso que hai grandes actores. ¿Non pensades o mesmo?
A comida que trouxeron os pementeiros/as deixounos a todos coa boca aberta (polo vistosa e apetitosa que parecía e polas ganas de comela). Preparamos todo nunhas mesas na aula de psico e despois de cantar e bailar un pouco xa fomos disfrutar dun festín terrorífico.
Tras o banquete, había que mover un pouco eses corpos (algúns pementeiros pensei que ían estoupar de tanto como comeron) porque, despois, aínda había que probar as castañas. Así que saímos ao patio a xogar un pouco.
E para comer as castañas saímos cos nosos arañacestos. A verdade é que as castañas non tiveron tabto éxito como a merendola de infantil. moitos nenos/as non quixeron comelas (algún nin as probou).
E xa por último, os pementeiros/as particparon nos distintos xogos organizados no patio cuberto.
E, para rematar, déixovos aquí unha montaxe en movie-maker cos mellores momentos da nosa xornada de Samaín Monstruoso no cole. ¡Foi un día xenial!
