Aínda seguen chegando cousas para o noso recuncho africano:
Lucía trouxo un bonito debuxo de Kirikou,no que aparece a súa mamá e tamén unha xirafa e Noa trouxo un puzle dun león, un debuxo e un cd coas cancións do musical "O rei León" que tico a sorte de poder disfrutar en Madrid.
Iker trouxo unha fermosa máscara africana... e Mencía e Sara trouxeron debuxos con temáticas africanas.
Os últimos xefes Mossi da semana foron Chiño e Iago.
E agora chega o máis interesante: a presentación de dous novos instrumentos africanos.
O primeiro foi o TBILA. É un instrumento de percusión membranófono típico de Marruecos. Todos os pementeiros e pementeiras tiveron a oportunidade de tocalo e algúns fixérono con moito ritmo.
O segundo instrumento que disfrutamos hoxe foi o TAMBOR DEN-DEN. En realidade é un tambor de orixe xaponés pero que, tamén, se emprega en África. É como un xoguete que se utiliza con frecuencia para entreter aos bebés.
E, para finalizar, aquí vos deixo a presentación destes dous instrumentos feita por Mariña, Yago e Noa que o fixeron moi ben.
Só me queda contarvos que estivemos vendo unha curtametraxe fermosísima que que chama "Malaika la princesa" que conta a historia dunha nena africana que perde a seu pai, o elefante Komba. Malaika aprende moitas cousas, sobre todo que a memoria é algo fundamental para a supervivencia. Se algún pementeiro/a quere ver de novo esta historia, o enlace aparece na columna da dereita deste blog no apartado "Enlaces africanizantes"
jajaja menuda presentación tan instrumental!!! os presentadores explicaron todo moi clariño... aínda que eu sei dalgunha pementeira que estaba moi, moi nerviosa diante da cámara jejejeje
ResponderEliminarÉ certo! A cámara impón bastante, pero o importante é que se animen a facelo, e que lle vaian perdendo o medo a falar en público, a facer exposicións orais... e, mesmo, quitándolle ferro ao feito de equivocarse e ter que repetir algo. Despois encántalles verse a si mesmos e aos compañeiros!
Eliminar