Na Pementeira, como xa sabedes, disfrutamos moito practicando ioga. Para os pementeiros/as é un premio cando os venres podemos ir á aula de psico e aprender novas posturas de esta disciplina que nos axuda a concentrarnos no noso corpo, nas nosas sensacións, no control postural e no equilibrio, e a traballar con certos músculos que, moitas veces, non exercitamos demasiado.
O venres 15 de maio tivemos a gran sorte de que Ania, unha mestra de ioga profesional, veu compartir connosco a súa experiencia. No ximnasio do cole, todos os nenos e nenas de educación infantil practicaron posturas que xa coñecían e outras novas e aprenderon, tamén, como se chaman en sánscrito.
Para que vexades como se esforzaron todos e o ben que o pasaron, mirade as fotos con atención...
No hay comentarios:
Publicar un comentario