Os compañeir@s de primaria estiveron elaborando un Belén para o cole todo feito de plastilina e algún que outro obxecto curioso (como estropallos por exemplo, A ver quen sabe onde están colocados, Animádevos a buscalos). O traballo que fixeron todos, como un gran equipo, é fantástico. Hoxe os nenos e nenas de A Pementeira foron colocar unhas estrelas que estivemos pintando o venres para decorar o papel branco que recubre as mesas onde se colocou o nacemento e, de paso, tivemos tempo para observar e admirar todos os detalles deste "plastibelén".
Temos que felicitar a todos os que participaron neste Belén tan artesanal porque é realmente artístico e fermoso, cheo de pequenos detalles, de figuriñas moi ben traballadas... ¡Parabéns! Eu penso que aos pementeiros/as lles gustou moito.
No hay comentarios:
Publicar un comentario