MOVIE-MAKER "A RATIÑA CURIOSA"

Aquí vos deixo un movie-maker da "Ratiña curiosa" cos artistas pementeiros cantando. Espero que vos guste. Cando volva ao cole prometo que  farei  a montaxe con debuxos  feitos por eles, que vai quedar moito más bonito que este.

¡ESTREAMOS MANTEIS!

Hoxe estivemos de estrea na Pementeira. Por fin merendamos cos nosos manteis individuais. Algúns nen@s aínda non o remataron. Eu espero que se animen a acabalos para poder tomar as merendas todos xuntos e mantendo as mesas máis limpiñas. Agora hai que acostumarse a coller o mantel antes de merendar, a poñer as cousas encima, a limpalo antes de recollelo e volver colocalo no seu sitio ao rematar. Hoxe houbo un pouco de lío, e moitos pementeir@s non se acordaban de recollelo. 

E aproveito para deixarvos un vídeo dos pementeir@s traballando hoxe disfrutando do Canon de Pachelbel. Xa imos entrando pouco apouco na nosa dinámica de traballo cotiá.

¡MÁIS FROITA!

Seguimos co noso programa de "Os mércores con froita son mellores". E estou pensando que vai ser verdade porque onte tivemos un día bastante bo na "Pementeira". O cambio de horario parece que non nos sentou mal e disfrutamos do cole pla mañán e pola tarde.

Despois de facer o traballo do día (estamos repasando os trazos dos números 1,2 e 3 porque parece que estaban un pouco olvidados) e de poñer algunhas xoaniñas nas actividades impresas (xa que houbo nenos e nenas que fixeron a tarefa requetebén) empezamos a degustar o noso menú de froita que estaba delicioso (polo que se pode intuir vendo as caras dos pementeir@s.

Pola tarde estreamos un puzle novo dun cabaleiro medieval e tamén fixemos outro moi chulo do espacio, cos planetas e astronautas e todo.